اخبار الزمالك اليوم/ غموض في موقف طارق حامد من المشاركة في مباراة مازيمبي

جروس

انا عارف هو ممكن يبقي موضوع تافه او بسيط او مش مهم لناس كتير .. و لكن انا طبعي قلق و مش بحب أسيب حاجة للظروف.

- عقد كريستيان جروس مع الزمالك هينتهي بشكل رسمي يوم 30 يونيو المقبل وهو موقع لموسم واحد فقط لاغير ، بإعتبار امتداد الموسم حتي الأن لشهر أغسطس فا هيكون جروس بلا ارتباط رسمي علي الورق بينا لمدة شهرين كاملين !

- طبعا انا واثق فيه انه مكمل الموسم و مستمر معانا لأخر الدوري و الكأس ومش هيمشي و يسيب الفريق في مرحلة حاسمة زي دي و لكن زي ما قولت مبحبش أسيب شيء للظروف و مع الضغط اللي بتمارسه الادارة عليه من حين لأخر و غضب الجماهير الغير مبرر عليه أحيانًا قد يفكر في الرحيل او قد يأتيه عرض لا يمكن رفضه من أي مكان أخر لأن في غالبية دول العالم بيبقي الصيف هو فترة الاعداد فا اي فريق هيفكر في مدرب هيفكر فيه في الوقت دة قبل بداية الموسم بفترة كافية.. محدش يعرف المستقبل مخبي إيه.

- أيا كان الأسباب او هيحصل إيه اتمني من إدارة النادي تعمل علي الاتفاق علي المدرب طبعا حلمي انه يجدد لأكثر من موسم و لكن إذا لم يحدث ذلك لا قدر الله أتمني انهم يتفقوا معاه يستمر معانا لنهاية الموسم و نهاية مشوارنا في كل البطولات و يضمنوا بقاءه تحت أي بند.

- نقطة صغيرة أخيرة هضيفها .. الموسم بتاعنا هينتهي متأخر و هيعقبه بداية موسم جديد يعني مفيش وقت نتعاقد مع مدرب تاني و ياخد وقته في التأقلم و انه يعمل فترة اعداد و خلافه في أنسب حل للجميع هو بقاء الخبير السويسري علي رأس الإدارة الفنية موسم أخر علي الأقل.

- حاليا و مع ضغط المباريات انا متفهم ان مفيش وقت لحاجة زي كدة و لكن في فترة توقف في مارس أسبوعين كاملين أتمني نحسم فيهم الموضوع دة.